يون كلبي ونين النوكك ونتاه
تاه ومادريت شلون ونتـــــــاه
زماني الصار ضدي اليوم ونتاه
صرت وياه يا وسفه عليه
===========================================
بيدي للجم بجرحي وكلبــــه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه
===========================================
اريد اركب دليلي بليل وسعـــــــه
على ام شعراً طويل وعين وسعه
يحفار الگبر بالله اعليك وسعه
وذمه اعليك تدفنه سويه
===========================================
حبك سرة بكل حشاي دورة
عزيز والك بالشريان دورة
ادا شكيت هاك الكلب دورة
ادا غيرك لكيت اعتب علية
===========================================
الدهر حد بيعه هدومي وصل بي
وراسي امن الصخر امضه وصلباي
اوافق لو يتم موتي وصلباي
ولا راسي اطخه اعله المنيه
===========================================
الك ما اسحب اسلاحي والاقسام
معاهد فدوه تصبحلك والاقســــــام
لا زائد جمع حبنه ولا اقســــــــــام
تفاركنه وصعب نرجع سويه
===========================================
لا مية التحبك موت لا ميتين
واحنة بدون حبك كلنا ميتين
طعم شفتك حبيبي تكول ماي تين
بستها الماي ضل سنتين بية
===========================================
الدهر ما يوم فرحنه وسرنه
عفنا ديارنا وللغرب سرنه
وحقك ما ضهر للناس سرنه
لجن دمعي فضحني وعم عليه
===========================================
انشالله تعجبكم الابوذيات
دوم أدعـي الـــربي واحـمـد انـه
وألف مره باليوم اصلي لأحمد انه
واذا تـريـد تـعـرفـنـي أحـمـد انـه
ا ابن العراق وكل الفخر ليه
احمـــــــــــــــــــــد العراقـــــــــــــــــــــي