دارميات منوعه

موضوع: دارميات منوعه الخميس مارس 25, 2010 9:31 am

تدري شوكت أنساك
وبگلبي اتهون
من تسمع آنه اهناك
بالنجف مدفون
==============
حسبالك آنه انساك
يالتسوه كلشي
تسوه العدل والمات
والتوه يمشي
==============
عبوة وزرعني الشوگـ
صرت اعله دربك
واعذرني لو طگيت
فجرني حبك
==============
تدري شوكت أنساك
ياأغله الاحباب
لمن يجيني الموت
واتغطه بتراب
==============
لعيونك الحلوات
صدگني أشتاگـ
ماأصبر بلياك
واتحمل افراگـ
==============
كون الجمال البيك
أتمنه بيه
حته آنه من اشتاگـ
أصفن عليه
==============
غالي وعزيز اهواي
وفراگك اهموم
وعيوني لو تنساك
أعميها للدوم
==============
حاير شحط للعين
وامنعها منكم
صبح وعصر وغروب
تسألني عنكم
==============
عيون البشر حلوات
بس عينك احله
خظرة وتسلب اعقول
لو تحط كحله
=============
ظلمة وتريد الناس
توصل للبيوت
بس آنه اريد الگاك
هالساعة لو موت
==============
انشالله تعجبكم الدارميات

احمـــــــــــــــــــد العراقــــــــــــــــــــــــــي

عدد المساهمات : 2 تاريخ التسجيل : 16/03/2010

تقبل مروروي

ممنوع الاستهزاء
الادارة

» دارميات
» دارميات غرام
» ديكورات منوعه
» دارميات وصف الحبيبه
» ابوذيات منوعه