مو من المرض ونيت من كثر الفراك.......صدكني كلبي عليك كل لحضه يشتاك
===============================================
رمش برمش شديت ما نامت العين.......تسهر ولك تشتاك مطلوبه الك دين
===============================================
الولد لو فطمو يبجيله يـــــــومين.......بس انته من اتغيب ابجي عليك اسنين
===============================================
ضلمه ولدرب عاثور وهم حضر تجوال.......اوصلك وجيك ازحزوف وشكيلك الحال
===============================================
انته التضل بل روح ولباقي فلسين .......حبك نبت بحشاي اقسم بلحسين
===============================================
كون انته هسه اهنا كون انته يمي.......كون انته بلشريان اتوزعلي دمي
===============================================
الكلب ما ينساك بس هذا عيبه.......صدكني من فركاك طلعتله شيبه
===============================================
هاك اخذ كلشي اتريد شتريد اخذ هاك.......هوه العمر فلسين اشيسوه بلياك
===============================================
انشالله تعجبكم الدارميات
احمـــــــــــــــــــد العراقــــــــــــــــي
موضوع: دارميات 
الأربعاء مارس 31, 2010 11:59 am